All Camper brauch ee Campingbändchen dee 5.– € kascht – dëse kritt all Camper sur Place verkaaft vu Membere vun der FOAH déi reegelméisseg passéieren – ouni dëse Bändche kann de Sejour op der Campingplaz zu all Moment verweigert ginn.

All Camper kritt da mat sengem Campingbändchen 1 Dreckstut + 1 Valorluxtut, wou en dann gebieden ass säin Dreck dran ze maachen a seng Plaz erëm sou propper ze verloossen wéi en se opfonnt huet. Eng Poubelle fir Glas steet och bereet um Campingsite – Mir géifen all Camper invitéieren den Dreck korrekt ze trennen. Et stinn de Camper Toiletten mat fléissendem Waasser zur Verfügung.

All Camper muss ausserdeem am Besëtz sinn vun engem gültegen Entreesbändche fir den Houser OPEN–AIR.

Den Organisateur huet d‘Hausrecht op der ganzer OPEN–AIR Plaz an och um Campingfeld an zu all Moment d’Recht Leit vum Camping ze verweisen, déi sech net un d‘Spillreegelen halen. Ee Verweis gëllt automatesch souwuel fir de Camping, wéi och fir den Entrée op den OPEN–AIR fir de ganze Weekend.

D‘Security–Team huet heifir ëmmer dat läscht Wuert bei enger eventueller Diskussioun an hiren Uweisunge muss gefollegt ginn.

D‘Security–Team an den Organisateur behalen sech d‘Recht fir d’Police ze ruffen, wann aner Leit belästeg oder a Gefor sollte bruecht ginn.